|
العودة
 |
أرسل هذة الصفحة الي صديق |
محتاجين سرير طبي ولو بمقابل
السلام عليكم و رحمة الله و بركاته
سيدة مريضة كبد في احتياج شديد و عاجل لسرير طبى قابل للفرد و الثنى ليس بالضرورة جديد
اسرة المريضه على استعداد لدفع مقابل ايجار لهذا السرير لأن استخدامه لديهم مطلوب لفتره مؤقته
و طبعاً اذا كان في حد عنده السرير ده و مش محتاجه حالياً و مستعد يمنحه اليهم بدون مقابل برده ربنا يجازيه خير على اساس انهم يستخدموه و يرجعوه يعني
زي ما بيقولوا بالعاميه ( الناس لبعضيها )  و عيدكم سعيد
ملحوظه الأسرة دي فكرت تطلب من جمعية رسالة مباشرةً نظراً ان اسرة المريضه كان عندهم سرير قبل كده و تبرعوا بيه لجمعية رساله و لكنهم تخوفوا من عدم توفر سرير هناك لهم فلجأوا بطلبهم الى جمعيتنا المتواضعه و انا اتفقت معاهم احط طلبهم ده بين ايدين حضراتكم لعل و عسي نلاقي بينكم حد يلبى حاجتهم في هذه الأيام المباركه
يعني برده لو حد يعرف يوصل طلبهم لأحد فروع رسالة يبقى كتر الف خيره
يا ريت لو حد من حضراتكم يقدر يساعد يتصل بأهل المريضه على رقم
0122119077
و على فكره بالنسبة للساده اللى بيبعتوا استفسارات على الإنترنت عقب كل رسالة لمعرفة المزيد من التفاصيل اللى ممكن مأكونش حطيتها في الرسالة
انا اؤكد لهم انى معرفش اى تفاصيل تانيه نهائي و ارجوهم لسرعة احتياج هذه الأسرة انهم يتصلوا بالرقم المعلن لأنى مضمنش امتى ممكن يتوفر لى تاني فرصة انى ادخل على النت و اشوف استفساراتهم و ارد
جزاكم الله كل خير
معلش بزعجكم في العيد
اختكم
منار ممدوح عقل 
|
